«Балаға үйрету: ақылыңды мейірімге орап бер»

2024 жылғы 23 ақпан күні №75 мектеп-гимназияда «Балаға үйрету: ақылыңды мейірімге орап бер» тақырыбындағы Ашық есік күні өткізілді. Ашық есік күні 8 аймақ жұмыс жасады. Ата-аналар “Q-Talks” аймағында - “Баламен ортақ мүдделерді қалай табуға болады” тақырыбында әңгіме жүргізілді.

Екінші аймақта “Баланың негізгі жас дағдарыстары” тақырыбында психологиялық тренинг өткізілді. Спорт залында «Әке – тәрбие тамыры» атты 6 сынып әкелері мен мектептің ұлдар құрама командасы волейбол ойыны өтті. Келесі аймақта “Қыз ғұмырының құпиялары” тақырыбында  қыздарға  технология пәні мұғалімдерінің ұйымдастыруымен воркшоп өткізілді.

Ашық есік күнінде «Әжелер клубының» мүшелері арасында  «Жаңбырмен жер көгерер, Батамен ел көгерер» тақырыбында өнегелі әңгіме өтті.

Дәстүрлі болған Ашық есік күніміз ата-аналардың пән мұғалімдері мен сынып жетекшілерімен жеке кездесулерімен, сабаққа қатысумен жалғасты.

24 ақпан күні ашық есік күні жалғасып Әкелер мектебі жұмысы жүргізіліп Әкелер кеңесі ұл балалармен бірлесіп «Қар десанты» челленджіне қатысты.